Manuela Contacontos

Con pequenos contos e historias nárrase a capacidade que tivo a nosa Rosalía para facer visible a literatura feita por mulleres en particular e a lingua e a cultura galegas en xeral, converténdose un nunha das figuras máis importantes do Rexurdimentos.

Realizamos unha viaxe pola vida e obra da máis grande escritora galega, dando a coñecer os seus principais valores nun espectáculo adaptado a diferentes idades, desde a Ed. Infantil ata a Ed. Primaria.

Neste espectáculo faise un precorrido polos principais fitos da vida de Rosalía, desde a súa creativa nenez, ata estadías fora de Galicia, a publicación das súas obras máis senlleiras, a relación von Manuel Murguía…Sobre todo incídese no seu carácter de pioneira, así como os logros que acadou a nivel social e cultural para Galicia.

Unha divertidísima sesión de narración oral con historias de choqueiras/os, peliqueiros, cigarróns, pantallas, felos, folións... Contos para transmitir a idea central de que hai que vivir o Entroido a fondo, cada unha e cada un á súa maneira.

O espectáculo está protagonizado por Antela unha pequena que lle ten moito medo ós peliqueiros que aparecen na súa vila no tempo do Entroido. Pouco a pouco irá descubrindo cousiñas sobre esta figura entroideira e rematará por converterse nunha pequena peliqueira, para seguir a tradición familiar.

Manuela comeza contando “Hai algo máis aburrido que ser unha princesa rosa’” desmitificando os roles e estereotipos de xénero presentes desde a máis tenra infancia. A protagonista é unha nena que se rebela e que loita por un mundo máis igualitario.

A continuación nárrase a historia de “Cando as nenas voan alto” onde tres nenas acadan as súas metas loitando xuntas e superando todas as trabas e obstáculos do sistema patriarcal.

O obxectivo da sesión é a promoción da igualdade de xénero e a coeducación, dunha maneira activa, dinámica e divertida.

Manuela comeza falando dos heroes, pero pronto xurde a palabra “heroa”, que provoca as gargalladas das máis cativas e cativos. Reflexionaremos sobre os roles de xénero, falando de “profas”, “pilotas” e “heroas” , centrándonos nos pequenos e grandes actos heroicos que moitas nenas e mulleres.

Continuamos a sesión cunha versión do conto de “Daniela Pirata” na que unha nena quere ser unha gran pirata e supera todas as probas que os piratas homes lle esixen.

E rematamos coa historia dun pequeno heroe, Juan. un neno ó que lle gustaba pintar as unllas e consegue convencer a todas do divertido que é pintalas.

Unha avoa ensina a súa neta a tocar a pandeireta. A ritmo de PLÁTANO tocase a muiñeira. - quen che ensinou a cantar aboa?- Unhas mulleres que sabían centos de cantigas, Adolfina e Rosa Casas, ou as as Pandeireteiras de Mens , mulleres que recolleron a poesía popular galega.

Neste Contacontos cantaremos unha muiñeira e a Rumba de Verdoias,un xeito fermoso de descubrir e valorar o traballo de todas esas mulleres Cantareiras que foron fundamentais na creación, preservación e transmisión da cultura galega. Descubriremos dun xeito lúdico e educativo ás homexeadas das Letras Galegas 2025.

Montaxe de narración oral na que se contan as venturas e desventuras de varios gatos que pouco a pouco van descubrindo as súas capacidades e limitacións, aprendendo a aceptarse a sí mesmos tal e como son. Partindo de historias moi divertidas, Manuela artella unha auténtica sesión de “educación en valores” co autoconcepto e autoestima como ideas a transmitir.

O primeiro día de escola dun gato, outro que se atopa cun xenio e outros dous que andan ás liortas por ser un como o outro, pero, todas e todos, finalmente todos eles aprenden algo, a superar os medos , as envexas, os complexos e sobre ser mellores persoas, perdón, mellores gatos.

Espectáculo de narración oral protagonizado por un ratiño que vai atopando diferentes animais que viven no bosque e todos o queren papar, pero de todos eles consigue salvarse con moita astucia e recurrindo a un ser imaxinario chamado “Grúfalo”, unha invención da súa cachola que se cadra finalmente non era tal.

Seguindo o fío conductor do ratiño coñecemos as relación quehai entre os animais e as prantas e árbores do bosque, aprendemos que un bosque é un ecosistema vivo e sobre tododescubriremos a necesidade de amar e conservar a natureza. Un espectáculo moi dinámico e sobre todo, moi divertido.

Escoitamos a Sarabande de Bach. Qué musica mais fermosa, verdade? Hoxe quero contarvos a historia dunha nena que non paraba quieta nin un minuto, chamábase Luísa Villalta. Queredes coñecela?, pois imos chamala.

Así comeza este Contacontos no que a nosa homenaxeada xurdirá na forma dunha fermosa marioneta. Falaremos con ela e descubriremos cales son as suas palabras favoritas e por qué: A Coruña, Poesía, Música, Galiza, Galego, Mestra, Ecoloxía, Igualdade e Paz.

A través da música, da poesía e da narrativa percorremos unha viaxe dinámica e divertida polas facetas dunha das mulleres máis poliédricas da cultura galega.

Chegou o Samaín e bruxas, meigas, ánimas e outros espíritos medoñentos van saír pasear a noite do 31 de OUTUBRO.

Neste espectáculo de narración oral Manuela conta a historia protagonizada pola terrorífica Bruxa Maruxa tamén coñecida como a Meiga Manteiga, que vivirá unha manchea de aventuras moi divertidas.

A bruxa Maruxa non deixa que ninguén suba á súa basoira agás o seu gatiño, claro está, pero tras recibir a axuda duns animaliños do borque non lle queda outra que deixalos subir a voar con ela polas estrelas.

Un dragón e un monstro con 8 ollos e 4 bocas son outros personaxes que tamén aparecerán neste conto con todos os ingredientes para asustarnos e divertirnos.

Todo o mundo agarda con ansia que cheguen as datas do Nadal, para festexar, para decorar as casas e sobre todo para recibir agasallos. E ti de quen es, do Apalpador, do Papa Noel ou dos Reis Magos?

Neste espectáculo de narración oral presentaremos a figura do Apalpador, o seu día a día nas montañas do Caurel e falaremos das orixes desta ancestral tradición. Continuamos coa historia de Martiño e as aventuras que lle acontecen ao espertar xusto cando chegan á súa casa os Reis Magos.

Manuela fai unha sesión moi divertida e lúdica para que a rapazada expeimente a ledicia, ilusión e fantasía destas datas.